Dwarna

“Il-Parlament Ewropew, il-Kunsill u l-Kummissjoni għandhom ikunu assistiti minn Kumitat Ekonomiku u Soċjali (...), li [jeżerċita] funzjonijiet konsultattivi.”

1957, Trattat dwar l-Unjoni Ewropea, Artikolu 13

329 membru

għal 5 snin

•  
  
   

   

•  
  
   

   

•  
  
   

   

•  
  
   

   

•  
  
   

   

•  
  
   

   

•  
  
   

   

•  
  
   

   

•  
  
   

   

•  
  
   

   

•  
  
   

   

•  
  
   

   

•  
  
   

   

•  
  
   

   

•  
  
   

   

•  
  
   

   

•  
  
   

   

•  
  
   

   

•  
  
   

   

•  
  
   

   

•  
  
   

   

•  
  
   

   

•  
  
   

   

•  
  
   

   

•  
  
   

   

•  
  
   

   

•  
  
   

   

Min huma l-membri?

Min iħaddem, membri ta’ trade unions u rappreżentanti ta’ organizzazzjonijiet soċjali, okkupazzjonali, ekonomiċi u kulturali. Jinħatru mill-Kunsill għal mandat li jista’ jiġġedded ta’ ħames snin fuq proposta tal-Istati Membri.

3 Gruppi

• Min Iħaddem Grupp 1
• Ħaddiema Grupp 2
• Organizzazzjonijiet 
  tas-Soċjetà Ċivili Grupp 3

President 2 Viċi Presidenti Mandat ta’ sentejn u nofs

Il-ħidma tagħna: Opinjonijiet

Kummissjoni Ewropea, Parlament jew Kunsill > TALBA

KESE > FUQ INIZJATTIVA PROPRJA

Bureau > AWTORIZZAZZJONI

Relatur u Grupp ta’ Studju Membri maħtura mill-Gruppi

Relatur > ABBOZZ TA’ OPINJONI (ta’ spiss megħjun/a mill-Grupp ta’ Studju)

Sezzjonijiet> DISKUSSJONI > KUNSENS

• Min Iħaddem Grupp 1
• Ħaddiema Grupp 2
• Organizzazzjonijiet 
  tas-Soċjetà Ċivili Grupp 3

SESSJONI PLENARJA > VOTAZZJONI FUQ L-OPINJONIJIET

OPINJONI ADOTTATA mibgħuta lill-istituzzjonijiet tal-UE u ppubbliċizzata b’mod adatt

Filmat – Iċ-ċiklu tal-ħajja ta’ Opinjoni

Korpi ta’ ħidma

• ECO
• INT DSMO
• TEN
• SOC LMO
• NAT SDO
• REX
• CCMI
• GSE
• GK
• DFID

6 Sezzjonijiet

ECO

Unjoni Ekonomika u Monetarja, Koeżjoni Ekonomika u Soċjali

INT

Suq Uniku, Produzzjoni u Konsum

TEN

Trasport, Enerġija, Infrastruttura u Soċjetà tal-Informazzjoni

SOC

Xogħol, Affarijiet Soċjali u Ċittadinanza

NAT

Agrikoltura, Żvilupp Rurali u Ambjent

REX

Relazzjonijiet Esterni

1 Kummissjoni waħda

CCMI

Kummissjoni Konsultattiva dwar il-Bidliet Industrijali

3 Osservatorji

DSMO

Osservatorju tat-Tranżizzjoni Diġitali u tas-Suq Uniku

SDO

Osservatorju tal-Iżvilupp Sostenibbli

LMO

Osservatorju tas-Suq tax-Xogħol

3 korpi oħrajn

GSE

Grupp Ad Hoc dwar is-Semestru Ewropew

GK

Grupp ta’ Kuntatt

DFID

Grupp Ad Hoc dwar id-Drittijiet Fundamentali u l-Istat tad-Dritt

Dikjarazzjoni tal-missjoni tal-KESE

Bl-impenn tiegħu lejn l-integrazzjoni Ewropea, il-KESE jikkontribwixxi għat-tisħiħ tal-leġittimità demokratika u l-effettività tal-Unjoni Ewropea billi jagħti l-opportunità lill-organizzazzjonijiet tas-soċjetà ċivili mill-Istati Membri jesprimu fehmiethom fil-livell Ewropew.

Dan il-Kumitat jaqdi tliet missjonijiet ewlenin:

• jgħin biex jiġi żgurat li l-politiki u l-leġiżlazzjoni Ewropej ikunu marbutin aħjar maċ-ċirkostanzi ekonomiċi, soċjali u ċiviċi fuq il-post billi jassisti lill-Parlament Ewropew, lill-Kunsill u lill-Kummissjoni Ewropea, u jagħmel użu mill-esperjenza, ir-rappreżentanza, id-djalogu u l-isforzi tal-membri tal-KESE biex jiżgura kunsens li jservi l-interess ġenerali;
• jippromovi l-iżvilupp ta’ Unjoni Ewropea iktar parteċipattiva li tkun iktar f’kuntatt mal-opinjoni taċ-ċittadini, billi jaġixxi bħala forum istituzzjonali li jirrappreżenta, jinforma, jesprimi l-fehmiet tas-soċjetà ċivili organizzata u jiżgura d-djalogu magħha;
• jippromovi l-valuri li jiffurmaw il-pedament tal-integrazzjoni Ewropea u jkompli javvanza, kemm fl-Ewropa kif ukoll fid-dinja kollha, id-demokrazija, id-demokrazija parteċipattiva u r-rwol tal-organizzazzjonijiet tas-soċjetà ċivili.

Kif jiffunzjona l-KESE?

Il-KESE huwa korp konsultattiv li jagħti lir-rappreżentanti tal-gruppi ta’ interess soċjoprofessjonali tal-Ewropa u ta’ gruppi oħrajn pjattaforma formali biex jesprimu fehmiethom dwar kwistjonijiet tal-UE. L-Opinjonijiet tiegħu jintbagħtu lill-Kunsill, lill-Kummissjoni Ewropea u lill-Parlament Ewropew. B’hekk għandu rwol prinċipali fil-proċess tat-teħid ta’ deċiżjonijiet tal-Unjoni.

Presidenza

• President
• Viċi President – Komunikazzjoni
• Viċi President – Baġit

Oriġini

Il-KES ġie stabbilit permezz tat-Trattati ta’ Ruma tal-1957 bil-għan li jinvolvi lil gruppi ta’ interess ekonomiku u soċjali fit-twaqqif tas-suq komuni u li jipprovdi struttura istituzzjonali għall-għoti ta’ informazzjoni lill-Kummissjoni Ewropea u lill-Kunsill tal-Ministri dwar kwistjonijiet tal-Komunità Ewropea.

L-Att Uniku Ewropew (1986), it-Trattat ta’ Maastricht (1992), it-Trattat ta’ Amsterdam (1997) u t-Trattat ta’ Nizza (2000) saħħew ir-rwol tal-KESE.

Kompożizzjoni

Il-KESE għandu 329 membru misluta minn gruppi ta’ interess ekonomiku u soċjali fl-Ewropa.

Il-membri jiġu nominati mill-gvernijiet nazzjonali u jinħatru mill-Kunsill tal-Unjoni Ewropea għal mandat li jista’ jiġġedded ta’ 5 snin. L-aħħar tiġdid sar f’Ottubru 2020 għall-mandat 2020-2025.

Il-membri jagħmlu parti minn wieħed minn dawn it-tliet gruppi:

• Min Iħaddem (Grupp I)
• Ħaddiema (Grupp II)
• Organizzazzjonijiet tas-Soċjetà Ċivili (Grupp III)

L-għadd ta’ membri għal kull Stat Membru huwa kif ġej:

• Franza, il-Ġermanja, l-Italja: 24
• Il-Polonja, Spanja: 21
• Ir-Rumanija: 15
• L-Awstrija, il-Belġju, il-Bulgarija, ir-Repubblika Ċeka, il-Greċja, l-Ungerija, in-Netherlands, il-Portugall u l-Iżvezja: 12
• Il-Kroazja, id-Danimarka, il-Finlandja, l-Irlanda, il-Litwanja u s-Slovakkja: 9
• Il-Latvja, is-Slovenja u l-Estonja: 7
• Ċipru, il-Lussemburgu: 6
• Malta: 5

Il-mandat tal-membri

Il-kompitu tal-membri huwa li jfasslu Opinjonijiet dwar kwistjonijiet ta’ interess Ewropew għall-Kunsill, il-Kummissjoni u l-Parlament Ewropew.

• Filmat dwar iċ-ċiklu tal-ħajja ta’ Opinjoni.

Rwol konsultattiv

Il-konsultazzjoni tal-KESE mill-Kummissjoni jew il-Kunsill hija obbligatorja f’xi każijiet u fakultattiva f’każijiet oħra. Madankollu, il-KESE jista’ jadotta wkoll Opinjonijiet fuq inizjattiva proprja. L-Att Uniku Ewropew (17.2.1986) u t-Trattat ta’ Maastricht (7.2.1992) estendew il-firxa ta’ kwistjonijiet li għandhom jiġu riferuti lill-Kumitat. It-Trattat ta’ Amsterdam kompla wessa’ l-oqsma li dwarhom jinħtieġ li jiġi kkonsultat il-Kumitat, u għamilha possibbli li l-Kumitat jiġi kkonsultat mill-Parlament Ewropew. Bħala medja, il-KESE jipproduċi 170 dokument ta’ konsultazzjoni u Opinjoni fis-sena (madwar 15 % minnhom fuq inizjattiva proprja). L-Opinjonijiet kollha jintbagħtu lill-korpi deċiżjonali tal-UE u mbagħad jiġu ppubblikati f’Il-Ġurnal Uffiċjali tal-UE.

Rwol ta’ informazzjoni u integrazzjoni

F’dawn l-aħħar snin, il-KESE żied ir-rwol tiegħu fl-Unjoni Ewropea u mar lil hinn mir-rwol bażiku mogħti lilu fit-Trattati. Huwa jaġixxi bħala forum għas-suq uniku u, bl-appoġġ ta’ korpi oħra tal-UE, ospita sensiela ta’ avvenimenti ntiżi biex iqarrbu lill-UE lejn in-nies.

Organizzazzjoni

1. Il-Presidenza u l-Bureau

Kull sentejn u nofs, il-KESE jeleġġi bureau bi president u żewġ viċi presidenti magħżula minn kull wieħed mit-tliet gruppi b’rotazzjoni.

It-tmexxija tajba tal-ħidma tal-Kumitat hija r-responsabbiltà tal-president. Il-viċi presidenti, responsabbli għall-komunikazzjoni u għall-baġit, jassistu lill-president.

Il-president jirrappreżenta/tirrappreżenta lill-KESE fir-relazzjonijiet ma’ korpi esterni.

In-noti konġunti (relazzjonijiet mal-EFTA, is-CEECs, l-AMU, il-pajjiżi AKP, l-Amerka Latina u pajjiżi terzi oħra, u l-Ewropa għaċ-Ċittadini) jaqgħu taħt il-mandat tal-Bureau tal-KESE u tal-President.

Il-kompitu ewlieni tal-Bureau huwa li jorganizza u jikkoordina l-ħidma tal-korpi tal-KESE u li jistabbilixxi linji gwida ta’ politika għal din il-ħidma.

2. Sezzjonijiet

Il-Kumitat għandu sitt sezzjonijiet:

• Unjoni Ekonomika u Monetarja u Koeżjoni Ekonomika u Soċjali (ECO)
• Suq Uniku, Produzzjoni u Konsum (INT)
• Trasport, Enerġija, Infrastruttura u Soċjetà tal-Informazzjoni (TEN)
• Xogħol, Affarijiet Soċjali u Ċittadinanza (SOC)
• Agrikoltura, Żvilupp Rurali u Ambjent (NAT)
• Relazzjonijiet Esterni (REX)

Il-Kummissjoni Konsultattiva dwar il-Bidliet Industrijali (CCMI) ġiet inkorporata fl-istruttura tal-KESE wara l-iskadenza tat-Trattat KEFA f’Lulju 2002.

3. Gruppi ta’ Studju

L-Opinjonijiet tas-sezzjonijiet jiġu abbozzati minn gruppi ta’ studju. Dawn normalment ikollhom 12-il membru, inkluż relatur. Il-membri tal-grupp ta’ studju jistgħu jiġu assistiti minn konsulenti.

4. Sottokumitati

Il-KESE għandu d-dritt iwaqqaf sottokumitati temporanji dwar kwistjonijiet speċifiċi. Dawn is-sottokumitati jaħdmu bl-istess mod bħas-sezzjonijiet.

5. Sessjoni plenarja

B’mod ġenerali, il-Kumitat jiltaqa’ disa’ darbiet fis-sena fil-plenarja. Fis-sessjonijiet plenarji, l-Opinjonijiet jiġu adottati b’maġġoranza sempliċi, abbażi tal-Opinjonijiet tas-sezzjonijiet. Dawn jintbagħtu lill-istituzzjonijiet u jiġu ppubblikati f’Il-Ġurnal Uffiċjali tal-Unjoni Ewropea.

6. Segretarjat Ġenerali

Il-Kumitat huwa appoġġjat minn segretarjat ġenerali, immexxi minn Segretarju Ġenerali li jirrapporta/tirrapporta lill-President li jirrappreżenta/tirrappreżenta lill-Bureau.

Il-KESE jimpjega madwar 700 membru tal-persunal. Mill-1 ta’ Jannar 1995 ’il hawn, il-KESE u l-Kumitat tar-Reġjuni jikkondividu xi servizzi, bħal-loġistika, l-IT u t-traduzzjoni.